ცნობილი ფრანგული გაზეთი “ეკიპი” თავის საიტზე ატარებს გამოკითხვას თემაზე, ღირს თუ არა სარაგბო ექვსი ერის პირველობაზე საქართველოს ნაკრების დამატება.

ახლა 15 ათასზე მეტი ადამიანია გამოკითხული და სასიხარულოა, რომ მათი უმრავლესობა “ბორჯღალოსნების” დაწინაურების მომხრეა – 76% მიიჩნევს, რომ დროა, საქართველოს ნაკრები ევროპული რაგბის ელიტაში მიიღონ, 24% კი წინააღმდეგია.

“ძალით მეშვიდე ევროპულმა სარაგბო ქვეყანამ – საქართველომ, მსოფლიოს თასზე აჩვენა, რომ დიდი პროგრესი აქვს და შესაძლოა, მომდევნო მსოფლიოს თასის საგზური ავტომატურად მოიპოვოს.

ზელანდიასთან “ლელოები” (“ბორჯღალოსნებს” უცხოეთში ასე მოიხსენიებენ) მხოლოდ 10:43 დამარცხდნენ და 73-ე წუთამდე 10:29 იყო. მატჩის შემდეგ საქართველოს ნაკრების ზელანდიელმა მწვრთნელმა მოუწოდა ექვსი ერის ხელმძღვანელებს, რომ მის ნაკრებს კარი გაუღონ.

საქართველო ახლა 71,35 ქულით მე-14-ეა მსოფლიოს რეიტინგში და მე-13 ადგილზე მყოფ ექვსი ერის წევრ იტალიას არაფრით ჩამორჩება – იტალიელებს 71,46 ქულა აქვთ”, – წერს “ეკიპი”.

ავტორი  :   ნიკოლოზ ნეფარიძე

comments