ოთარ ფარცხალაძე ქვეყნის მთავარ პროკურორად 2013 წლის 7 ნოემბერს დაინიშნა და იმავე წლის 30 დეკემბერს გადადგა. ის მთავარ პროკურატურას მხოლოდ 37 დღის განმავლობაში მართავდა და არც მანამდე და არც მერე პრესასთან საჯარო კომუნიკაციის სურვილი არ ჰქონია. 5 წლის შემდეგ, 13 მაისს, სახელმწიფო აუდიტის ხელმძღვანელმა ლაშა თორდიამ თქვა, რომ ღამით, კლუბ “ელ-ცენტროში” მას ყოფილი მთავარი პროკურორი და მისი გარემოცვა ფიზიკურად გაუსწორდნენ. მთავარმა აუდიტორმა ივარაუდა, რომ ოთარ ფარცხალაძე მისი სამსახურის დასკვნამ გააღიზიანა, რომელშიც ჩანს, რომ ყოფილი მაღალჩინოსნის კომპანია მიწების შეძენისას თბილისის მერიისგან დაუმსახურებელი შეღავათებით სარგებლობდა. ბრალდებებზე, ინციდენტის გამოძიებასა და ბიზნესზე ყოფილ პროკურორს ქეთი ფარცხალაძე ესაუბრა.

ბატონო ოთარვიდეოში პირველად ვინ მოიქნია ხელი?

როგორც ვიდეოში ნახეთ, თქვენც და საზოგადოებამაც, პირველი ხელიც თორდიამ მოიქნია და ბოლოც.  მერე შეიძლება ვინმემ ხელი შეუბრუნა, ეგ არ მახსოვს, მაგრამ მე რომ არ ვიყავი, ეგ კარგად მახსოვს.

ვიდრე თორდია მოიქნევდამანამდე ვიდეოში ვიღაცის ხელი ჩანს

არა, ვიღაცამ შეიძლება ხელი მაღლა აიქნია ან თავზე გადაისვა, მაგრამ თორდიასთვის არავის დაურტყამს. შეიძლება ლაპარაკის დროს ვიღაცამ ჯიბეში საათს დაჰხედა, ეს დარტყმა ხომ არ არის. ვფიქრობ, მაგას საერთოდ არ აქვს მნიშვნელობა, ვისი ხელია მოქნეული, მოქნევაზე ხელს არ ურტყამენ…

მოგვიყევითრა მოხდა ელცენტროსთან.

არაფერი მომხდარა, ინციდენტი იყო. მთლად ინციდენტიც არ ეთქმის. შეხვედრა, შემთხვევა, შელაპარაკება… თორდია მთვრალ მდგომარეობაში… მერე კამერაზეც ჩანს, რაც მოხდა. შელაპარაკებისას იყო მთვრალი, არც ახსოვს, რა მოხდა. ხომ ნახეთ, კამერაზეც ჩანს.

რამ გამოიწვია შელაპარაკებარა უთხარით?

მე არაფერი. თორდიას რატომ არ ეკითხებით, თვითონ მან რა მითხრა ასეთი.

ის ამბობსთითქოს უთხარითარ აპირებ ცხოვრების გაგრძელებასო?

მსგავსი ​არაფერი მითქვამს თორდიასთვის. გამაჩერა და არ მომცა გასვლის შესაძლებლობა. არაფერი მომხდარა. თავად იქნევდა ხელებს. დაარტყა ჩემს მეგობარს, მეც მომიქნია, რამდენიმე წამი იყო, განიმუხტა სიტუაცია. მაგის მერე თორდია სამი საათი არაყს სვამდა, თუ სხვა მძიმე სასმელს.  მანამდეც მთვრალი იყო.

თქვენი აზრითთორდია რამ გააღიზიანა?

გააღიზიანა იმან, რომ 2 თვეში ვადა უმთავრდება, როგორც ჟურნალისტებისგან გავიგე. პროვოკატორია. არ უყურებთ, ვინ არის თორდია? თქვენთან მაქვს შეკითხვა, ჟურნალისტებთან. თორდიამ რომ ტყუილი თქვა, თავს დამესხაო, არც მკითხულობდით, თავს დავესხი თუ არა, ისე აცხადებდით ყველა ტელევიზია, ფარცხალაძე თავს დაესხაო. ახლა რატომ არ ეკითხებით თორდიას, რატომ დაესხა ის თავს მოქალაქეს, რომელსაც მოკვლას უპირებდა იარაღით? კუბლაშვილი გადაეფარა, მისი ძმაკაცი, თორემ ისიც რომ მის ჭკუაზე ყოფილიყო, ერთად მოკლავდნენ ალბათ.

რა იცით ამ ვიდეოს შესახებ?

მე არაფერი ვიცი. რასაც ტელევიზიით ვუყურებ, ის ვიცი. არანაირი ინფორმაცია არ გამაჩნია, თორდიას და მისნაირებს ნუ უსმენთ…

რაც თქვა იმ კაცმა, რამე სიმართლე გამოდგა? ატრიალეს “თავდასხმა, თავდასხმა“. ახლა გამოდის, რომ  მთვრალი თორდია თვითონ დამესხა თავს. სხვაგან დანაშაული ჩაიდინა. ის, რაც ვიდეოში ჩანს, როგორ ემუქრება, აწიოკებს მოქალაქეებს იარაღით… თითებს იშვერს, იმან დამიდო, ამან დამიდო. და როგორ არის? თორდიაზე ყველაფერი შეიძლება და მე ვიღაც მთვრალს რომ დავინახავ, უნდა გავიქცე?

თორდიას მიმართ უნდა დაიწყოს გამოძიება?

მაგას საგამოძიებო ორგანოები გადაწყვეტენ, მე არ ვერევი, მაგრამ თქვენ როგორ ფიქრობთ, არ უნდა დაიწყოს? 10 კაცი დამესხა თავსო, მკლავდაო, ათკაცთავდასხმულმა კაცმა კიდე დაიმატა, დათვრა, გადათვრა. მერე კი იცით, რაც მოხდა, არც ახსოვდა თავი-ბოლო. სხვადასხვა ინტერვიუს იძლეოდა. მერე აღმოჩნდა, რომ თვითონ დასხმია ჩემს მეგობარს თავს და დაურტყამს.

ელცენტროს” ინციდენტზეხომ არ აპირებთ თორდიას პასუხისმგებლობის საკითხისდაყენებას?

ჯერ არ გადამიწყვეტია. საგამოძიებო ორგანოები მიხედავენ, რომელთა მიმართ დიდი ნდობაა საზოგადოებაში.

მაინც რაზე საუბრობდით იმ დროს?

არაფერზე. როგორი გაუგებარიც იყო ბრალდება, ისე გაუგებრად ამბობდა რაღაცას. მუსიკა იყო, არ მესმოდა, ვცდილობდი გავლას.

აუდიტის წარმოების პროცესშიც არ გქონიათ კომუნიკაცია?

არა. პირველად გავიგე, თორდიამ როცა დამაბრალა. ჩემთვის ეს ძალიან უინტერესოა, ვინმეს რომ ეთქვა არ მოვუსმენდი. რაც არ ხდება, ის არის უინტერესო. სხვა ბევრი საქმით ვარ დაკავებული.

რა შეგიძლიათ თქვათ იმაზე, რაც აუდიტის შუალედურ ანგარიშშია გამოქვეყნებული?

იქ არაფერია გამოქვეყნებული, უინტერესოა. არ ჰქვია შუალედური, ესაა თორდიას მოგონილი ჭორი, სისულელეები. „რუსთავი 2“-მაც კი არ გაუშვა თორდიას ანგარიში, ნაციონალების ტელევიზიამ, რომელიც ჩემს დისკრედიტაციას ცდილობს. იმიტომ, რომ იქ არაფერია.

აუდიტის დასკვნის თანახმადკომპანიარომელსაც ზარალი 2012 წელს მიადგარადგანმისი კუთვნილი მიწის ნაკვეთი ვარაზისხევისა და თამარაშვილის ქუჩისდამაკავშირებელი გზის გაყვანის მონაკვეთში მოხვდაზარალის ანაზღაურება 2 წლისშემდეგ მოითხოვათბილისის საკრებულომ ანაზღაურების გადაწყვეტილება 2015 წელსმიიღომაგრამ მერიამ მოლაპარაკების და ზარალის ანაზღაურების პროცესი მხოლოდ2016 წელს დაიწყოროდესაც ნაკვეთი კომპანია “როიალ დეველომენტმა” იყიდარომლის მეწილეებშიც თქვენი გვარი ფიგურირებს და ეს პროცესი ისე წარიმართარომ,საბოლოო ჯამში, ზარალი 4 წლის დაგვიანებით და უფრო ძვირად ანაზღაურდააუდიტისშეფასებით, 2012 წელს ზარალის მოცულობა 513 346 ლარი იყო, 2016 წლისმდგომარეობით “როიალ დეველომენტს”  2 615 100 ლარის ღირებულების მიწებიგადაეცა.

ეს მიწა ნაციონალებმა, როგორც აკეთებდნენ ხოლმე, უკითხავად წაართვეს ინვესტორებს. ისე დააგეს გზა, არავისთვის უკითხავთ. შემდეგ ამათ დაბრუნება მოითხოვეს. ესაა ვაკე და აქ არის ნუცუბიძე, ხრიოკია და ამ მიწას თან მოყვება ფიზიკის ინსტიტუტის აშენების ვალდებულება, მაგრამ ამას, რატომღაც, არავინ ამბობს. ფასთან დაკავშირებით სამხარაულის ექსპერტიზის დასკვნა არსებობს. მაშინ მე ამ კომპანიაში არ ვიყავი. მაგ მიწაში იმაზე ბევრად მეტია გადახდილი, ვიდრე ღირდა. გამოძიება დაიწყება, თუ არა და მე მოვითხოვ დაიწყოს. ძალიან კომპეტენტური საგამოძიებო ორგანოებია საქართველოში საბედნიეროდ და გამოძიებამ დააადგინოს. ხომ ამბობდა თორდია, ნათელს მოვფენ ყველაფერს საზოგადოებისთვისო, რას მოჰფინა ნათელი?

2016 წელს თქვენმა კომპანიამ მერიას მომიჯნავე ნაკვეთის შეძენის სურვილით მიმართამიწა აუქციონზე გამოიტანეს იმ პირობითრომ ის უნდა გაერთიანებულიყო მომიჯნავემიწის ნაკვეთთანაუდიტის დასკვნაში გამოთქმულია ეჭვირომ თქვენ ამ პირობის გამომიწა უკონკურენტოდ შეიძინეთიყო თუ არა ეს სასათბურე პირობა თქვენთვის?

ჩემ გარდა, 4 თუ 5 კომპანია იყო მომიჯნავედ. ყველაზე მაღალ ფასად მოვიგე მე.

აუქციონზე იყო კიდევ ვინმე დარეგისტრირებული

ასე არ მახსოვს, ფასი შეგიძლიათ ნახოთ.

აუქციონზე გატანილი მიწის ნაკვეთის ფასიც თითქოს საბაზრო ფასის ნახევარიააუდიტისდოკუმენტის თანახმადაუქციონზე გასატანი ქონება შეფასებულია შპს „კომპაუდის“ დასკვნის საფუძველზერომლის მიხედვითაც 1 კვ. მიწის ღირებულება შენობანაგებობით განსაზღვრულია 274 ლარითმაშინ როცა მომიჯნავედ არსებული მხოლოდმიწა ერთი კვადრატული მეტრი სამხარაულის ექსპერტიზის ბიუროს მიერ შეფასებულია464 ლარადამას როგორ ახსნით?

თქვენ გაქვთ ერთი მხარის ინფორმაცია. ამაზე მერიამ უნდა გაგცეთ პასუხი. მერიის კომპეტენციაში მე ვერ ჩავერევი, მანდ უკანონო არაფერი მომხდარა. მერიაც გაგცემთ აუცილებლად პასუხს.

მერიის მხრიდან თქვენ მიმართ ვერ ხედავთ კეთილგანწყობასხელის შეწყობას?

ვერ ვხედავ, პირიქით, როგორც ჩვეულებრივ მოქალაქეს, ისე მექცევიან მეც. არანაირი კეთილგანწყობა ჩემ მიმართ არ არის.

კიდევ ერთი საკითხირომელზეც კითხვები არსებობს. 2015 წელს მთავრობისდადგენილებით 200 ათას ლარად თქვენს კომპანიას სამგორში 62887 კვ/ მიწისნაკვეთი გადაეცა, რომელიც მოგვიანებით, ოპოზიციის მტკიცებით, გაცილებით ძვირად მიჰყიდეთ საპარტნიორო ფონდს.

ჩემთვის არაფერი გადმოუციათ. ეს არის ებრაული კომპანია, ინვესტორები არიან ებრაელები. ახლაც მიდის მშენებლობა, მე არ ვარ იქ. უნდა აეშენებინათ თვითმფრინავის ნაწილების კომპანია. გადაეცა მას, ვინც უნდა ააშენოს. მე არაფერ შუაში ვარ.

თქვენს კომპანიას არ გადმოეცა? 2015 წლის 25 აგვისტოა.

მე იმ კომპანიაში მქონდა პატარა წილი, საკონტროლო პაკეტიც არ მქონია, სხვები მართავდნენ. გადაცემას მოჰყვა ვალდებულებებიც, უნდა აშენებულიყო ქარხანა. მე გავყიდე ჩემი წილი. გამოვედი ამ კომპანიიდან.

ეს ნაკვეთი ხომ საპარტნიორო ფონდის დაარსებულ კომპანია „ციკლონს“ გადაეცა.

საპარტნიორო ფონდი და ებრაული მხარე მსჯელობდნენ. მე გამოვედი ამ კომპანიიდან. როგორც ჩანს, შემდეგ რაღაც მოხდა და გადაეცა ფონდს. მე არაფერ შუაში ვარ. საკონტროლო პაკეტიც არ მქონდა, არც მართვის უფლება. მე არ ვწყვეტდი, რა მეყიდა, რა გამეყიდა. უბრალოდ, ვიყავი პარტნიორი, ცოტა ხნით… ასე რომ, არაფერი მიყიდია იაფად და გამიყიდია ძვირად. ამას აკეთებდნენ სააკაშვილი და მისი ბანდიტები, ახლა რომ გარეთ არიან. ძველი მერი, უგულავა. ჩვენ მაგას არ ვაკეთებდით.

რა ხარჯი გაწია კომპანიამრა უნდა აშენებულიყო?

არ მახსოვს, მე არ ვმართავდი. მაშინ ბატონი ღარიბაშვილი იყო პრემიერი. მთელი მთავრობა დახვდა ინვესტორებს, ებრაული კომპანია „ელბიტის“ პრეზიდენტიც იყო ჩამოსული – ბატონი ბუცი. და ეს პროექტი არ გაჩერებულა. გრძელდება და ძალიან კარგი პროექტია. ზემოაღნიშნული კომპანია წინა ხელისუფლების დროს გააძევეს აქედან, რაღაცები ვერ გაიყვეს, ეგეც საყურადღებოა.

კვადრატული მეტრი მიწის ფართობი კომპანიამ დაახლოებით 3 ლარად იმიტომ მიიღორომ ვალდებულებები დაეკისრა

კი, რა თქმა უნდა. ქარხანა უნდა აშენებულიყო, კომპანიას ის ვალდებულებებით გადაეცა. აშენდება. ამ ვალდებულებებით გადაეცა ახალ კომპანიასაც. ტყუილებს რომ ავრცელებენ, იქნებ მიხვიდეთ, კითხვები გაუმეოროთ.

თქვენს ქონებრივ ნაწილსაც რომ შევეხოთრომელიც 2015-2016 წლებშიგანსაკუთრებულად გაიზარდა

2013 წლის 30 დეკემბერს დავტოვე საჯარო სამსახური და ვარ კერძო ბიზნესში. შეიძლება მქონდეს საქართველოში, სხვა ქვეყნებშიც. ეს საიდუმლოა, ბიზნესი პირადია, არავის საქმე არ არის, რა ქონება მექნება. ნაცმოძრაობამ გაძარცვა ხალხი, რომელმაც დღემდე ვერ მოიშუშა მათი მიყენებული ჭრილობები. ეგენი ძარცვავდნენ ხალხს, მაგათ თავიანთ ქონებას გადახედონ.

ბიზნესწარმატებაზე იქონია თუ არა გავლენა წარსულში თქვენმა პროკურორობამკავშირებმაგავლენებმა?

არა, არა, ბიზნესი ძირითადად უცხოეთში მაქვს, ასე რომ, არანაირი გავლენა არ ჰქონია.

შეგიძლიათ ცოტა მოგვიყვეთ თქვენი ბიზნესის შესახებ?

არ, არა, არაფერი. დავასრულოთ.

“იმედის კვირა” 2017.წელი

comments