91 წლის ასაკაში ქაიროს საავადმყოფოში გარდაიცვალა ჰოსნი მუბარაქი, ეგვიპტის ყოფილი პრეზიდენტი, რომელიც ეგრეთ წოდებული არაბული გაზაფხულის დროს დაამხეს. იგი თითქმის 30 წელიწადი იმყოფებოდა ხელისუფლების სათავეში, ვიდრე ხანგრძლივი საპროტესტო აქციების შემდეგ 2011 წლის თებერვალში, სამხედროებმა არ აიძულეს ჩამოშორებოდა ძალაუფლებას.

2012 წელს სასამართლომ მუბარაქი დამნაშავედ ცნო და სამუდამო პატიმრობა მიუსაჯა „არაბული გაზაფხულის“ დროს დემონსტრანტების დახოცვისთვის.

მაგრამ სააპელაციო სასამართლომ 2017 წლის მარტში მუბარაქს ბრალდებები მოუხსნა და მსჯავრდებული გათავისუფლდა საპატიმროდან, სადაც თითქმის 6 წელიწადი დაჰყო.

comments