საქართველოს პროკურატურამ 6 წლის ბავშვის წამების ფაქტზე, ბავშვის დედას და მის მეუღლეს ბრალდება წარუდგინა.
მათ ბრალდება საქართველოს სისხლის სამართლის კოდექსის 11 პრიმა, 144-ე პრიმა მუხლის მე-2 ნაწილის „ე“ და „ზ“ ქვეპუნქტებით (ოჯახის წევრის მიმართ წამება, ჩადენილი ჯგუფურად, წინასწარი შეცნობით არასრულწლოვნისა და უმწეო მდგომარეობაში მყოფის მიმართ) წარედგინათ, რაც სასჯელის სახედ და ზომად 9-დან 15 წლამდე თავისუფლების აღკვეთას ითვალისწინებს.”,- წერია პროკურატურის განცხადებაში.
მოძალადე წყვილი მ.დ. და ა.ს. სამართალდამცველებმა 18 ივნისს დააკავეს.
გამოძიებით დადგინდა, რომ თბილისში, მ.დ. და მისი მეუღლე ა.ს. ერთი წლის განმავლობაში, არასრულწლოვან და უმწეო მდგომარეობაში მყოფ მ.დ.-ს შვილს სისტემატურად ეპყრობოდნენ დამამცირებლად და დასჯის მიზნით, 6 წლის ბავშვზე ხანგრძლივად ახორციელებდნენ ფიზიკურ ძალადობას – სცემდნენ, ხელ-ფეხს უკრავდნენ, რამდენიმე დღის განმავლობაში არ აძლევდნენ საკვებს და საწოლიდან ადგომას უკრძალავდნენ. ასევე ხელის არეში მიაყენეს დამწვრობა. ბრალდებულების ქმედებებმა დაზარალებული არასრულწლოვნის ძლიერი ფიზიკური ტკივილი და ტანჯვა გამოიწვია – ნათქვამია საგამოძიებო უწყების ინფორმაციაში
პროკურატურა ორივე ბრალდებულისთვის აღკვეთის ღონისძიების სახით პატიმრობას ითხოვს და თბილისის საქალაქო სასამართლოს კანონით დადგენილ ვადაში მიმართავს.
მეტი ამბები
“მე არ ვარ მოძალადე, პირიქით…” – როგორ იმართლებს თავს ლექსო ლაშქარავას სასტიკ ცემაში ბრალდებული დავით კუტალაძე
დახმარება არჩევნებში – “ქურდულ სამყაროსთან” კავშირისთვის დაკავებულის სკანდალური ბრალდება ხელისუფლებას
ილიაუნის ლექტორის მკვლელობა – საქართველომ სტრასბურგში დავა წააგო