ოქტომბერი 23, 2021

INFO7

საინფორმაციო სააგენტო

ქართველი თანამესაკნეების დაპირისპირება საბერძნეთის ციხეში ერთ-ერთის მკვლელობით დასრულდა!

43 წლის ქართველმა, დავით მურთინელმა, რომელიც საბერძნეთის ციხეში სასჯელს იხდის, სხვა, ასევე ქართველი პატიმარი ცივი იარაღით მოკლა. ამის შესახებ ინფორმაციას ბერძნული მედია ავრცელებს.

გარდაცვლილ პატიმარს კი, 15 წლიანი პატიმრობის ვადა ორ წელიწადში ეწურებოდა. ექიმები იზოლატორში დაჭრილისთვის სიცოცხლის შენარჩუნებას ცდილობდნენ, რა დროსაც მას გულის შეტევა განუვითარდა და საავადმყოფოში გადაიყვანეს.

რაც შეეხება დავით მურთინელს, ის საბერძნეთის ციხეში რამდენიმე წლის წინ მომხდარი გახმაურებული მკვლელობის გამო იხდიდა სასჯელს, რა დროსაც მან მრავლობითი ჭრილობების მიყენებით ცნობილი ბერძენი მსახიობი მოკლა.

სისხლიანი გარჩევის მიზეზები ამ ეტაპზე უცნობია. საქმეს სამართალდამცველები იძიებენ.

დატოვეთ კომენტარი