ივლისი 25, 2021

INFO7

საინფორმაციო სააგენტო

ირაკლი ღარიბაშვილმა და ჯანდაცვისა და სურსათის უვნებლობის ევროკომისარმა სტელა კირიაკიდისიმ COVID-19-სა და ვაქცინაციის პროცესის მიმდინარეობის შესახებ ისაუბრეს

პრემიერ-მინისტრმა ირაკლი ღარიბაშვილმა და ჯანდაცვისა და სურსათის უვნებლობის ევროკომისარმა სტელა კირიაკიდისიმ COVID-19-სა და ვაქცინაციის პროცესის მიმდინარეობის შესახებ ისაუბრეს
საქართველოს პრემიერ-მინისტრი ირაკლი ღარიბაშვილი ჯანდაცვისა და სურსათის უვნებლობის ევროკომისარს სტელა კირიაკიდისის ვიდეოკონფერენციის ფორმატში შეხვდა.
შეხვედრაზე ყურადღება გამახვილდა COVID-19-ზე და პანდემიით გამოწვეული სირთულეების დასაძლევად გადადგმულ ნაბიჯებზე. მთავრობის მეთაურმა ხაზი გაუსვა ევროკავშირის როლს პანდემიით შექმნილი სოციალურ-ეკონომიკური კრიზისის წინააღმდეგ ბრძოლის პროცესში.
ასევე, საუბარი შეეხო ვაქცინაციის მიმდინარეობას. აღინიშნა, რომ საქართველომ COVAX-თან ინტენსიური თანამშრომლობით ვაქცინის პირველი დოზები უკვე მიიღო და დამატებით მოცულობას უახლოეს მომავალში ელოდება. პრემიერ-მინისტრმა ხაზი გაუსვა, რომ გრძელდება ინტენსიური მუშაობა როგორც უშუალოდ ვაქცინის მწარმოებლებთან, ისე პარტნიორ სახელმწიფოებთან და აღნიშნა, რომ ამ პროცესში ევროკავშირის მხარდაჭერას უდიდესი მნიშვნელობა ენიჭება.
საუბარი ასევე შეეხო საქართველოს ჯანდაცვის სექტორში ევროკავშირის დაფინანსებით მიმდინარე და წარმატებით განხორციელებულ პროექტებს.
ვიდეოკონფერენციაში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე და მინისტრის მოადგილე თამარ გაბუნია მონაწილეობდნენ.
დატოვეთ კომენტარი